5, 8ஆம் வகுப்பு பொதுத்தேர்வுகள் மன அழுத்தத்தை ஏற்படுத்தும் - கருணாஸ்

மதுரை: ஐந்தாம் வகுப்பு, எட்டாம் வகுப்பு பொதுத்தேர்வு என்பது மாணவர்களிடையே மன அழுத்தத்தை ஏற்படுத்துவதோடு பெற்றோர்களுக்கும் மன அழுத்தத்தை உருவாக்கும் என கருணாஸ் தெரிவித்துள்ளார்.

மதுரை விமான நிலையத்திற்கு நடிகரும் சட்டப்பேரவை உறுப்பினருமான கருணாஸ் வருகைதந்திருந்தார். அப்போது, செய்தியாளர்களைச் சந்தித்து அவர் பேசுகையில், "ஐந்தாம் வகுப்பு, எட்டாம் வகுப்பு மாணவர்களுக்கு கல்வித் துறை பொதுத்தேர்வு அறிவித்திருப்பது என்பது மாணவர்களுக்கு மன அழுத்தத்தை உண்டாக்கக் கூடியதாக இருக்கும். அவர்களுக்கு மட்டுமின்றி பெற்றோர்களுக்கும் மன அழுத்தத்தை ஏற்படுத்தும்.

மாணவர்களுக்கு ஏற்படும் இந்த மன அழுத்தமானது அவர்களது எதிர்காலத்தின் மீது பெரும் கேள்விக்குறியாக அமையும் என்பதனால் இதனை மனத்தில் வைத்துக்கொண்டு மாநில அரசு நல்லதொரு முடிவை அறிவிக்க வேண்டும்” எனக் கேட்டுக் கொண்டார்.

இதையும் படிஙக: