கீழடி அகழாய்வில் சுடுமண் பாசி மணிகள்!

கீழடி ஏழாம் கட்ட அகழாய்வில் சுடுமண் பாசி மணிகள், கண்ணாடி பாசி மணிகள் ஆகியவை நேற்று (ஜூலை.08) கண்டெடுக்கப்பட்டன.

சிவகங்கை:திருப்புவனம் தாலுகாவில் அமைந்துள்ள கீழடியில் தமிழ்நாடு தொல்லியல் துறையின் சார்பாக ஏழாம் கட்ட அகழாய்வுப் பணிகள் நடைபெற்று வருகின்றன.

அதில் நேற்றைய அகழாய்வின்போது பண்டைய கால மக்கள் பயன்படுத்திய சுடுமண் பாசி மணிகள், கண்ணாடி பாசி மணிகள் ஆகியவை கண்டெடுக்கப்பட்டன.

இதேபோல் கொந்தகை, அகரம், மணலூர் ஆகியப் பகுதிகளிலும் அகழாய்வுப் பணிகள் நடைபெற்று வருகிறது.

கீழடியில் ஏற்கெனவே தாயக்கட்டை, பாசி மணிகள், சேதமுற்ற நிலையில் சிறிய, பெரிய பானைகள், காதில் அணியும் தங்க ஆபரணம், இதேபோல் கொந்தகையில் முதுமக்கள் தாழிகள், மனித மண்டை ஓடுகள், பல்வேறு எலும்புகள் கிடைத்துள்ளன.