மதுரை அம்மா உணவகத்தில் கருணாநிதி புகைப்படம்!

மதுரையில் அம்மா உணவக பெயர் பலகையில் மறைந்த முதலமைச்சர் ஜெயலலிதா படத்துடன் கருணாநிதியின் படமும் இடம்பெற்றுள்ளது.

மதுரை: திமுக ஆட்சி அமைந்தவுடன் சென்னையில் சிலரால் அம்மா உணவகம் தாக்கப்பட்டது சர்ச்சையானது.

இந்நிலையில், முதலமைச்சர் மு.க.ஸ்டாலின் அம்மா உணவகங்கள் தொடர்ந்து செயல்படும் எனத் தெரிவித்தார். தொடர்ந்து மழை வெள்ள பாதிப்புகளின் போதும் அம்மா உணவகம் செயல்பட முதலமைச்சர் உத்தரவிட்டார்.

மதுரை மாநகராட்சியில் 12 இடங்களில் அம்மா உணவகங்கள் செயல்படுகின்றன. இதில் மதுரை ஜெய்ஹிந்த்புரம் பகுதியில் செயல்பட்டு வரும் உணவகத்தில் ஏற்கனவே பணியாற்றிய ஊழியர்கள் திடீர் பணி நீக்கம் செய்யப்பட்டனர்.

ஜெயலலிதா, கருணாநிதி புகைப்படங்கள்

பின்னர் திமுக பிரமுகர்களுக்கு நெருங்கிய நபர்களை பணியமர்த்தி உள்ளதாக புகார்கள் எழுந்தன.

இந்நிலையில், இந்த உணவகத்தின் வெளியே வைக்கப்பட்டுள்ள பெயர் பலகையில் மறைந்த முதலமைச்சர் ஜெயலலிதா படத்தோடு திமுக தலைவரும், முன்னாள் முதலமைச்சருமான கருணாநிதி படமும் இடம்பெற்றுள்ளது.

இதையும் படிங்க:MS Dhoni in Chennai: தல தரிசனத்துக்கு தயாரா..!