மதுரை:மதுரை ஆதீனத்தின் 292ஆவது ஆதீனமாக அருணகிரிநாதர் இருந்துவந்தார். உடல் நலக்குறைவு காரணமாக மதுரை அப்பல்லோ மருத்துவமனையில் அனுமதிக்கப்பட்டிருந்த இவர், நேற்று சிகிச்சை பலனின்றி உயிரிழந்தார்.
இவரின் உடலுக்கு தமிழ்நாட்டின் நிதியமைச்சர் பழனிவேல் தியாகராஜனும், வணிகவரி மற்றும் பத்திரப் பதிவுத் துறை அமைச்சர் மூர்த்தியும் அஞ்சலி செலுத்தினார்.
இதன்பின்னர் செய்தியாளர்களைச் சந்தித்துப் பேசிய பழனிவேல் தியாகராஜன், "முதலமைச்சர் அறிவுறுத்தியதன் பேரில் மதுரை ஆதீன மடத்திற்கு வந்து அருணகிரிநாதருக்கு அரசு சார்பில் அஞ்சலி செலுத்தியுள்ளோம்.
292ஆவது ஆதீனம் என் மீது மிகுந்த பாசம் கொண்டவர் என்பதால் இவரின் மறைவு தனிப்பட்ட விதத்தில் எனக்கு பெரும் இழப்புதான். பண்பாட்டு, கலாசார அடையாளமாகவும் சுயமரியாதையையும் ஊக்குவிக்கும் கட்சியாகவும் திமுக இருந்து வருகிறது.. தொடர்ந்து இருக்கும்" என்றார்.
இதையும் படிங்க:மதுரை ஆதீனம் மறைவுக்கு முதலமைச்சர் மு.க.ஸ்டாலின் இரங்கல்