மதுரை: சோலை அழகுபுரம் பகுதியைச் சேர்ந்தவர் மணிகண்டன்(40) இவர் ஜெய்ஹிந்த்புரம் அருகே உள்ள எம்.கே. புரத்தில் நகைக்கடை நடத்தி வருகிறார். மேலும் இவர் இந்து மக்கள் கட்சியில் தென் மாவட்ட துணை செயலாளராகவும் செயல்பட்டு வந்தார்.
இந்நிலையில் நேற்று இரவு கடை அருகே சென்று கொண்டிருந்த போது பின்னால் வந்த இரண்டு மர்ம நபர்கள் கல் மற்றும் அரிவாளால் கொடூரமாக தாக்கியுள்ளனர். இதில் படுகாயமடைந்த மணிகண்டன் மீட்கப்பட்டு அரசு ராஜாஜி மருத்துவமனைக்கு அனுப்பி வைக்கப்பட்டார். அங்கு அவர் சிகிச்சை பலனின்றி உயிரிழந்தார்.