மதுரை அருகே 30 கிலோ கஞ்சா பறிமுதல் - மூவர் கைது

மதுரை: கீரைத்துறையில் 30 கிலோ கஞ்சா வைத்திருந்ததாக இன்று (நவ. 22) மூன்று பேரை காவல்துறையினர் கைது செய்தனர்.

மதுரை கீரைத்துறை அருகே கஞ்சா வியாபாரிகள் பதுங்கியிருப்பதாக மதுரை மாநகர காவல்துறைக்கு தகவல் கிடைத்தது. இதையடுத்து அப்பகுதியில் காவல்துறையினர் அதிரடி சோதனை மேற்கொண்டனர்.

அப்போது வாழைத்தோப்பு தண்டவாளம் அருகே கீரைத்துறை சிந்தாமணி ரோடு பகுதியைச் சேர்ந்த சுபாஷ் சந்திர போஸ் (25), அனுப்பானடி வீட்டு வசதி வாரிய குடியிருப்பு காலனி பகுதியைச் சேர்ந்த மீனாட்சி சுந்தரம் (19), வாழைத்தோப்பு சக்திவேல் (24) ஆகிய மூன்று பேரை கைது செய்தனர். அவர்களிடம் இருந்த 30 கிலோ கஞ்சா மூட்டையையும் பறிமுதல் செய்தனர்

இந்த தேடுதல் வேட்டையின்போது தப்பி ஓடிய மேலும் மூன்று நபர்களை காவல்துறையினர் வலைவீசி தேடிவருகின்றனர்.

இதையும் படிங்க.. கஞ்சா விற்பனையை தடுக்க முயன்ற பெண் மீது தாக்குதல்...!