முதியோர் உதவித்தொகை தொடர்ந்து வழங்கப்படும் - அமைச்சர் மூர்த்தி

முதியோர் உதவித்தொகை நிறுத்தப்பட்டவர்களுக்கும் தொடர்ந்து வழங்கப்படும் என்று வணிகவரித்துறை அமைச்சர் மூர்த்தி தெரிவித்துள்ளார்.

மதுரை: திருப்பாலையில் வாக்காளர்களுக்கு நன்றி தெரிக்கும் நிகழ்ச்சியில் பங்கேற்ற அமைச்சர் மூர்த்தி பின்னர் செய்தியாளர்களிடம் பேசினார்.

அப்போது , "பாதாள சாக்கடை, குடிநீர், சாலை வசதிகள், முதியோர் உதவித்தொகை உள்ளிட்ட புகார்கள் தொடர்பாக மக்கள் கோரிக்கை மனு அளித்துள்ளனர். மனுக்கள் மீது துறை ரீதியாக பிரிக்கப்பட்டு ஒரிரு மாதங்களில் குறை தீர்க்கப்படும். மனுக்களை வாங்குவதோடு நிறுத்திக் கொள்ளமாட்டோம், அவற்றின் மீது உரிய நடவடிக்கையும் எடுப்போம்.

நிறுத்தப்பட்ட முதியோர் உதவித்தொகை பெறும் பயனாளிகள் நிலை குறித்து ஆய்வு செய்து அவர்களுக்கும் வழங்க நடவடிக்கை எடுக்கப்படும்.

பத்திர பதிவுத்துறையில் விதிமீறி செயல்பட்ட 30 அலுவலர்கள் ஏற்கனவே இடமாற்றம் செய்யப்பட்டுள்ளனர். அதன் தொடர்ச்சியாகவே நேற்று 4 பேர் பணி இடைநீக்கம் செய்யப்பட்டுள்ளனர்.

அடுத்த சில நாட்களில் மேலும் 26 பேர் இடமாற்றம் செய்யப்படவுள்ளனர். மக்கள் பாராட்டும் வரை பத்திர பதிவுத்துறையில் சீர் திருத்தங்கள் தொடரும்" என தெரிவித்தார்

இதையும் படிங்க:மோசமான நிலையில் வருவாய் பற்றாக்குறை- நிதியமைச்சர் தகவல்