மதுரை: சூரிய கிரகணத்தை முன்னிட்டு மதுரை மீனாட்சி அம்மன் கோயில் நடை காலை 11.00 மணி முதல் இரவு 7.00 மணி வரை சாத்தப்படுவதாக கோயில் நிர்வாகம் அறிவித்துள்ளது. சூரியகிரகணம் மாலை 5.23 மணிக்குத்தொடங்கி 6.23 மணிக்கு முடிவடைய உள்ள நிலையில் மதுரை மீனாட்சி அம்மன் மற்றும் அதன் 22 உபகோயில்களில் இன்று நடைசாத்தப்படுகிறது.
மீனாட்சி அம்மன் கோயிலில் காலசந்தி பூஜை காலத்தில், உச்சிகாலம் மற்றும் சாயரட்சை ஆகிய பூஜைகள் நடைபெற்று கோயில் நடை காலை 11.00 மணி முதல் இரவு 7.00 மணி வரை சாத்தப்படுவதால் பொதுமக்கள் குறிப்பிட்ட நேரத்தில் அர்ச்சனை செய்யவோ, தரிசனம் செய்யவோ அனுமதி இல்லை என்று கோயில் நிர்வாகம் சார்பில் தெரிவிக்கப்பட்டிருந்தது.