மதுரையில் கடந்த 16ஆம் தேதி நடைபெற்ற உலக புகழ்பெற்ற அலங்காநல்லூர் ஜல்லிக்கட்டு போட்டியில், முதல் பரிசை பெற்ற வீரர் ஆள்மாறட்டத்தில் ஈடுபட்டதாக புகார் எழுந்தது. இது தொடர்பாக அலங்காநல்லூர் ஜல்லிக்கட்டு போட்டியில் 9 காளைகளை பிடித்து 2ஆம் இடம் பிடித்த கருப்பண்ணன் என்பவர் மாவட்ட ஆட்சியரிடம் புகார் அளித்திருந்தார்.
முதல் சுற்றில் களமிறங்கிய 33ஆவது எண் பனியனை அணிந்திருந்த ஹரிகிருஷ்ணன் என்பவர் 3 காளைகளை பிடித்த நிலையில், அவருக்கு காயம் ஏற்பட்டதால் களத்தை விட்டு வெளியேறினார். ஆனால் அவர் அணிந்திருந்த அதே எண் கொண்ட பனியனை முன்பதிவு செய்யாத கண்ணன் என்பவர் அணிந்து, தொடர்ந்து 9 காளைகளை பிடித்து, ஆள்மாறாட்ட முறைக்கேட்டில் ஈடுபட்டதாக தெரிவிக்கப்பட்டது.