'காதலியைக் காண முகாமிலிருந்து தப்பியோடினேன்’

மதுரை: கரோனா வைரஸ் தடுப்பு சிறப்பு முகாமிலிருந்து தப்பியயோடிய இளைஞர் காதலியை காண்பதற்காகவே சென்றேன் என கூறியுள்ளார்.

கரோனா வைரஸ் பரவலைத் தடுக்க வெளிமாநிலங்களிலிருந்து மதுரை விமான நிலையம் வரும் பயணிகள், கரோனா வைரஸ் சிறப்பு முகாமில் தங்கவைத்து தொடர்ந்து கண்காணிக்கப்பட்டு வருகின்றனர்.

இதனிடையே, கடந்த 23ஆம் தேதி துபாயிலிருந்து விமானம் மூலம் மதுரை வந்த சிவகங்கை மாவட்டம் கீழபூங்குடியைச் சேர்ந்த விஜய் என்ற இளைஞர், மதுரை சின்ன உடைப்பு கரோனா கண்காணிப்பு முகாமிலிருந்து தப்பியோடியுள்ளார். இவர் மீது அவனியாபுரம் காவல் நிலையத்தில் சுகாதாரத் துறை அலுவலர்கள் சார்பில் புகார் செய்யப்பட்டது.

இதையடுத்து காதலி வீட்டில் இருந்தவரை சுற்றிவளைத்த தனிப்படையினர், அவரை கைது செய்தனர்.

இதுகுறித்து அந்த இளைஞர் கூறுகையில், வெளிநாட்டிலிருந்து வந்த தன்னை காண காதலி ஆவலாக இருந்ததாகவும், சிவகங்கை மாவட்டத்தில் உள்ள காதலியைக் காண முகாமிலிருந்து தப்பியோடியதாகவும் தெரிவித்துள்ளார்.

மேலும், காதலி வீடு சிவகங்கை மாவட்டத்தில் வருவதால் அவரையும் கண்காணிக்க அந்த மாவட்ட சுகாதாரத் துறைக்கு உத்தரவிடப்பட்டுள்ளது.

இதையும் படிங்க:கரோனா பாதிப்பு: சிகிச்சை பெற்றுவந்த இளைஞர் தப்பியோட்டம்!