மதுரை மூன்றுமாவடி பகுதியில் நடைபெற்ற சமத்துவ கிறிஸ்துமஸ் விழாவில் பங்கேற்க திமுக தலைவர் ஸ்டாலின் மதுரை வந்திருந்தார். இந்நிலையில், புதூர் அருகேயுள்ள கற்பக நகர் பகுதியின் சாலையில் பாஜக மாநில இளைஞரணி செயலாளர் சங்கர் பாண்டி உள்ளிட்ட பாஜகவினர், 'முரசொலி பத்திரம் எங்கே?' என்ற பதாகைகளுடன் ஸ்டாலினின் காரை முற்றுகையிட்டு திடீரென்று போராட்டத்தில் ஈடுபட்டதால் பரபரப்பு ஏற்பட்டது.
அதனைத் தொடர்ந்து, ஸ்டாலின் வாகனத்தில் வந்திருந்த பாதுகாவலர்கள் போராட்டத்தில் ஈடுபட்டவர்களை விலக்கினர். இதனையடுத்து தகவலறிந்து சம்பவ இடத்திற்கு திமுக சட்டப்பேரவை உறுப்பினர் சரவணன், மாவட்ட செயலாளர் தளபதி ஆகியோருடன் திமுக தொண்டர்கள் நூற்றுக்கும் மேற்பட்டோர் அப்பகுதியில் திரண்டனர்.
முரசொலி மூலப்பத்திரம் கேட்டு ஸ்டாலினை வழிமறித்த பாஜகவினர்!