திருமணத்திற்கு வந்தவருக்கு கிடைத்த லக்கி பிரைஸ்!

மதுரையில் தனது நண்பரின் திருமண நிகழ்ச்சியில் கலந்துகொண்டவருக்கு மணமக்கள் சார்பாக 70 ஆயிரம் ரூபாய் மதிப்பிலான இருசக்கர வாகனம் பரிசாக வழங்கப்பட்ட சம்பவம் நடந்துள்ளது.

மதுரை எல்லீஸ் நகர்ப் பகுதியில் அமைந்துள்ள தனியார் திருமண மண்டபத்தில் மணமக்கள் வாசுதேவன் - ஜோதிபிரியா இருவருக்கும் திருமணம் நடைபெற்றது. இந்த திருமணத்திற்கு ஏராளமான உறவினர்கள் வருகை தந்து மணமக்களை வாழ்த்தினர்.

இருவீட்டாரின் சார்பிலும் திருமணத்திற்கு வருகை தரும் உறவினர்களில் ஒருவருக்கு குலுக்கல் முறையில் 70 ஆயிரம் ரூபாய் மதிப்புள்ள இருசக்கர வாகனம் வழங்கப்படும் என திருமண அழைப்பிதழிலேயே அச்சடித்து அசத்தி இருந்தனர். இதனடிப்படையில் இன்று (ஜூன் 09) திருமணத்திற்கு வருகை தந்த அனைவரின் பெயர்களையும் எழுதி டோக்கன் கொடுத்தனர்.

பின்பு மணமக்கள் முன்னிலையில் அந்த டோக்கன்கள் குலுக்கப்பட்டன. அந்தக் குலுக்களில் திருமணத்திற்கு வந்த கேகே நகர் பகுதியைச் சேர்ந்த அக்கிம் என்பவரின் பெயர் வந்தது. இதையடுத்து, அவருக்கு மணமக்கள் சார்பாக 70 ஆயிரம் ரூபாய் மதிப்புள்ள இருசக்கர வாகனம் பரிசாக வழங்கப்பட்டது.

இதையும் படிங்க:நயன்தாரா திருமண உடையின் சிறப்பம்சங்கள்..!