ஏரியில் மிதந்த ஆண் சடலம்; காவல் துறையினர் விசாரணை!

கிருஷ்ணகிரி: ஓசூர் ராமநாயக்கன் ஏரியில் ஆண் சடலம் ஒன்று மிதப்பதாகக் காவல் துறையினருக்கு தகவல் கிடைத்ததையடுத்து, வழக்குப்பதிவு செய்யப்பட்டு விசாரணை நடைபெற்று வருகிறது.

கிருஷ்ணகிரி மாவட்டம் ஓசூர் ராமநாயக்கன் ஏரியில் சுமார் 30 வயது மதிக்கத்தக்க ஆண் ஒருவரது சடலம் மிதப்பதை, அப்பகுதியில் மாடு மேய்க்கச் சென்றவர் கண்டு அதிர்ச்சியடைந்துள்ளார். பின்னர், இதுகுறித்து ஓசூர் நகர காவல் நிலையத்துக்கு தகவல் அளித்துள்ளார்.

தகவல் அறிந்து வந்த ஓசூர் நகர துணைக் காவல் கண்காணிப்பாளர் சம்பவ இடத்திற்கு விரைந்து சென்று சடலத்தைக் கைப்பற்றி ஓசூர் அரசு மருத்துவமனைக்கு உடற்கூறாய்வுக்காக அனுப்பி வைத்தனர்.

இந்த சம்பவம் குறித்து பல்வேறு கோணங்களில் விசாரணை நடைபெற்று வருவதாகக் காவல் துறையினர் தெரிவித்தனர்.

இதையும் படிங்க:மது அருந்தி தொடர்ந்து தகராறு செய்த மகனை கொன்றவர் கைது!