ஓசூர் சிகரெட் நிறுவன அலுவலர் கடத்தல்: மேலும் 6 பேர் கைது

கிருஷ்ணகிரி: ஓசூரில் பிரபல சிகரெட் நிறுவன அலுவலர் கடத்தல் சம்பவத்தில் மேலும் 6 பேர் கைது செய்யப்பட்டுள்ளனர்.

கிருஷ்ணகிரி மாவட்டம் ஓசூர் பகுதியில் உள்ள பிரபல சிகரெட் தொழிற்சாலையில் மனிதவள மேம்பாட்டுத்துறை அலுவலராக பீட்டர் லூயிஸ் என்பவர் பணியாற்றி வருகிறார்.

இவர், டிசம்பர் 2ஆம் தேதி வேலை முடிந்து மாலை வீடு திரும்பும்போது அடையாளம் தெரியாத நபர்களால் கடத்தப்பட்டார். பின்னர் கடத்தல் கும்பல் அவரை பாதி வழியிலேயே இறக்கி விட்டுச் சென்றது.

இது தொடர்பாக வழக்குப்பதிவு செய்யப்பட்டு ஏற்கனவே இருவர் சரணடைந்துள்ளனர். இந்த வழக்கில் தேடப்பட்டு வந்த முக்கிய நபர்கள் 6 பேரை தற்போது சிப்காட் காவல் துறையினர் கைது செய்துள்ளனர்.