கிருஷ்ணகிரி: ஊத்தங்கரை அடுத்த கல்லாவி புதூரைச் சேர்ந்தவர் முருகேசன். இவர் இன்று (நவ.15) காலை தனது இருசக்கர வாகனத்தில் சென்று கொண்டிருந்தார்.
வீரியம்பட்டி கூட்ரோடு அருகிலுள்ள கிருஷ்ணகிரி- திண்டிவனம் தேசிய நெடுஞ்சாலையை கடக்க முயன்றபோது எதிர்பாராதவிதமாக எதிரே வந்த அரசுப் பேருந்தின் மீது மோதி கீழே விழுந்தார்.
இதில் முருகேசனுக்குத் தலையில் பலத்த காயம் ஏற்பட்டு சம்பவ இடத்திலேயே உயிரிழந்தார். இது குறித்து தகவலறிந்து சம்பவ இடத்திற்குச் சென்ற ஊத்தங்கரை காவல் துறையினர், முருகேசனின் உடலை மீட்டு உடற்கூராய்வுக்காக அரசு மருத்துவமனைக்கு அனுப்பிவைத்தனர்.
மேலும், இச்சம்பவம் குறித்து வழக்குப்பதிவு செய்த காவல் துறையினர், விபத்து குறித்த கண்காணிப்புக் கேமராவில் பதிவான காட்சிகளை வைத்து விசாரணை நடத்தி வருகின்றனர்.
இதையும் படிங்க:திருவாரூர் அருகே பயங்கரம்; இளைஞர் வெட்டிக் கொலை!