கிருஷ்ணகிரி மாவட்டம், போச்சம்பள்ளியை அடுத்த பாரூர் காவல்நிலையத்தில் சிறப்பு உதவி ஆய்வாளராக பணிபுரிந்து வருபவர் வெங்கடாசலம். கடவுள் பக்தி மிகுந்த இவர், பணிச்சுமை தெரியாமல் இருப்பதற்கு பணி ஓய்வு நேரத்தில் இறைப்பாடல்கள் பாடுவது வழக்கம்.
கரோனா வைரஸ் தொற்று பரவல், தற்போது நாடு முழுவதும் வேகமாகப் பரவி வரும் நிலையில், கரோனா வைரஸ் தொற்று குறித்து தானே சுயமாக ஒரு பாட்டு எழுதி பண்ணந்தூர் சிவன் கோயிலில் காவலர் சீருடையிலேயே அமர்ந்து பாடியுள்ளார். இந்தப் பாட்டில் நாட்டிலிருந்து கரோனா விலகி மக்கள் தீட்சம் அடைய வேண்டும் என்று இறைவனிடம் உருகிப் பாடியுள்ளார்.
கரோனாவிற்கு எதிராய் கருணைக் காட்ட கடவுளை அழைத்த காவலர்!