கிருஷ்ணகிரி அரசு மகளிர் கல்லூரி கின்னஸ் சாதனை!

நடந்து முடிந்த நாடாளுமன்ற தேர்தலில் நூறு விழுக்காடு வாக்களிப்பதின் அவசியம் குறித்து கிருஷ்ணகிரி அரசு மகளிர் கலைக்கல்லூரியில் மேற்கொண்ட விழிப்புணர்வு நிகழ்ச்சிக்கு கின்னஸ் சாதனை கிடைத்துள்ளது.

நடந்து முடிந்த நாடாளுமன்ற தேர்தலையொட்டி கிருஷ்ணகிரி அரசு மகளிர் கலைக்கல்லூரி மற்றும் ஜே.சி.ஐ கிருஷ்ணகிரி மேங்கோ டவுன் இணைந்து 100 விழுக்காடு வாக்களிப்பதன் அவசியத்தை உணர்த்தும் வகையில் மாணவர்கள் இந்தியதேர்தல் ஆணைய குறியீட்டை மூவர்ணக்கொடி வர்ணத்தில் மாவட்ட ஆட்சியர் தலைமையில் அணிவகுத்து நின்றனர்.

பின்பு இந்நிகழ்ச்சி குறித்து ஜே.சி,ஐ. சார்பாக கின்னஸ் சாதனை விருதிற்கு அனுப்பி வைக்கப்பட்டது. அந்த சாதனை உறுதி செய்யப்பட்டு அதற்கான சான்று கல்லூரிக்கு வழங்கப்பட்டது. அச்சான்றிழை நேற்று மாவட்ட ஆட்சியர் கல்லூரிக்கு வழங்கினார். பின்னர் பேசிய மாவட்ட ஆட்சியர், இந்த சாதனைகளை நிகழ்த்திய கல்லூரி முதல்வர்,பேராசிரியர்கள் மற்றும் மாணவியருக்கு எனது வாழ்த்துக்களை தெரிவித்துக்கொள்கிறேன் என்றார்.

விருதுசான்றிதழை கல்லூரிக்கு வழங்கும் மாவட்ட ஆட்சியர்

இது போல பல சாதனைகளை இக்கல்லூரி மாணவர்கள் நிகழ்த்தி கல்லூரிக்கு பெருமைசேர்க்க வேண்டும்.மேலும் செப்டம்பர் 1ஆம் தேதி முதல் 30ஆம் தேதி வரை மாவட்டத்தில் உள்ள அனைத்து பகுதியிலும் வீடு வீடாக சென்று வாக்காளர் பட்டியல் சரி செய்யும் பணியை வாக்குச்சாவடி நிலை அலுவலர்கள் மேற்கொள்ள உள்ளார்கள்.

இந்தப்பணிகள் குறித்து பொதுமக்களிடம் மாணவர்கள் எடுத்துரைக்க வேண்டும்" என்று தெரிவித்தார்.