ஓசூரில் கொடுத்த பணம் கேட்கச் சென்றவருக்கு அரிவாள் வெட்டு!

கிருஷ்ணகிரி: ஓசூர் அருகே கொடுத்த பணத்தை கேட்கச் சென்றவரை அரிவாள் மூலம் வெட்டிய அண்ணன் தம்பி இருவரை காவல் துறையினர் தேடி வருகின்றனர்.

கிருஷ்ணகிரி மாவட்டம் ஓசூர் அடுத்த சுண்டட்டி கிராமத்தைச் சேர்ந்த மஞ்ச்நாத் என்பவர் சுமையேற்றும் வாகனத்தை வாடகைக்கு ஓட்டியதாகத் தெரிகிறது. இவ்வேளையில் புக்கசாகரம் கிராமத்தைச் சேர்ந்த கோவிந்தப்பா என்பவரது இரண்டு மகன்களான திருமலேஷ், நாகேஷ் ஆகியோர் மஞ்ச்நாதுக்கு நான்கு லட்ச ரூபாய் வரை கொடுக்க வேண்டியிருந்ததாகக் கூறப்படுகிறது.

இந்நிலையில் மஞ்சுநாத் மதுபோதையில் பணம் கேட்டு இருவரிடமும் சண்டையிட்டதாக கூறப்படுகிறது. இதில் ஆத்திரமடைந்த திருமலேஷ், நாகேஷ் ஆகியோர் அரிவாளால் வெட்டியதில் மஞ்சுநாத்திற்கு தலை, முகம் உள்ளிட்ட இடங்களில் வெட்டுகாயங்கள் ஏற்பட்டுள்ளன.

இதைத் தொடர்ந்து அவர் ஒசூர் அரசு மருத்துவமனையில் அனுமதிக்கப்பட்டுள்ளார். சண்டையை விலக்கச் சென்ற பெண்ணிற்கு அரிவாள் வெட்டு விழுந்துள்ளது. அவரும் சிகிச்சைகாக மருத்துவமனையில் சேர்க்கப்பட்டுள்ளார். இதுகுறித்து காவல் துறையினர் வழக்குப்பதிவு செய்து விசாரணை நடத்தி வருகின்றனர்.