15 வயது காதலியை கர்ப்பிணியாக்கிய 16 வயது காதலன்!

கிருஷ்ணகிரி: ஓசூர் அருகே 15 வயது சிறுமியை காதலித்து, கர்ப்பிணியாக்கிய 16 வயது சிறுவனை காவல் துறையினர் போக்சோ சட்டத்தில் கைது செய்தனர்.

கிருஷ்ணகிரி மாவட்டம் ஓசூர் மாநகராட்சிக்குட்பட்ட குருபட்டி பகுதியைச் சேர்ந்த ஜான்பாஷா என்பவருக்கு 16 வயதில் மகன் உள்ளார்.

இந்தச் சிறுவன் அந்தப் பகுதியில் வெல்டிங் கடையில் வேலை பார்த்து வந்துள்ளார். இவரும், அதேபகுதியைச் சேர்ந்த நயாஸ் என்பவரின் 15 வயது மகளும் நீண்ட நாள்களாக காதலித்து வந்துள்ளனர்.

இந்நிலையில் சிறுமிக்கு இன்று திடீரென உடல்நலக்குறைவு ஏற்பட்டுள்ளது. இதனையடுத்து அவரது தயார் சிறுமியை ஓசூர் அரசு மருத்துவமனையில் சேர்த்துள்ளார்.

அங்கு அவரை பரிசோதித்த மருத்துவர்கள் சிறுமி மூன்று மாதம் கர்ப்பமாக இருப்பதாக தெரிவித்தனர்.

மேலும், இது குறித்து ஓசூர் அனைத்து மகளிர் காவல் நிலையத்தில் புகார் அளித்தனர். இதனைத்தொடர்ந்து மகளிர் காவல் துறையினர் நடத்திய விசாரணையில், சிறுமியை அதேபகுதியைச் சேர்ந்த சிறுவன் காதலித்து கர்ப்பமாக்கியது தெரியவந்தது.

அதனைத்தொடர்ந்து, காவல் துறையினர், சிறுவனை போக்சோ சட்டத்தில் கைதுசெய்தனர்.