144 தடை: தமிழ்நாடு - கர்நாடக எல்லை மூடல்!

கிருஷ்ணகிரி: தமிழ்நாடு அரசின் 144 தடை உத்தரவு அமலானதையடுத்து ஓசூர் பகுதியில் உள்ள தமிழ்நாடு-கர்நாடக எல்லை மூடப்பட்டு அனைத்து வாகனங்களும் திருப்பி அனுப்பி வைக்கப்பட்டது.

தமிழ்நாடு அரசு அறிவித்த 144 தடை உத்தரவு இன்று மாலை 6 மணி முதல் அமலுக்கு வந்த நிலையில், மாநில எல்லையான ஓசூரில் தேசிய நெடுஞ்சாலை மூடப்பட்டுள்ளது.

மேலும் கர்நாடக மாநிலத்தில் இருந்து தமிழ்நாட்டுக்கு வரும் அனைத்து விதமான வாகனங்களும் திருப்பி அனுப்பப்படுகிறது. அத்தியாவசிய பொருள்கள், மருந்து பொருள்களுக்கு மட்டுமே அனுமதி வழங்கப்பட்டுள்ளது.

இதையடுத்து, கிலோமீட்டர் கணக்கில் அணிவகுத்து நின்றிருந்த வாகனங்களை திருப்பி அனுப்பும் பணியில் ஓசூர் வருவாய்த் துறை, காவல் துறை, சுகாதாரத் துறை அலுவலர்கள் ஈடுபட்டனர்.

இதையும் படிங்க: 144 தடை: கோவையில் மூடப்பட்ட எல்லைகள்