ஓட்டுநர் கண் அயர்ந்ததால் வாகனம் கவிழ்ந்து விபத்து - ஒருவர் உயிரிழப்பு

கரூர்: திருச்சி தேசிய நெடுஞ்சாலையில் வீரராக்கியம் அருகே சுற்றுலா வேன் தலைகீழாக கவிழ்ந்த விபத்தில் ஒருவர் உயிரிழந்தார்.

காரைக்காலில் நான்கு குடும்பங்களைச் சேர்ந்த 17 பேர் கடந்த 31ஆம் தேதி வேன் ஒன்றை வாடகைக்கு எடுத்துக்கொண்டு கேராவிற்குச் சுற்றுலா சென்றுள்ளனர்.

கேரளாவில் பல்வேறு ஊர்களுக்குச் சென்றுவிட்டு கொச்சியிலிருந்து காரைக்காலுக்கு திரும்பினர். இந்நிலையில், வேன் கரூர் - திருச்சி தேசிய நெடுஞ்சாலையில் வீரராக்கியம் அருகே சென்று கொண்டிருந்தபோது, ஓட்டுநர் கண் அயர்ந்ததால் சாலையின் தடுப்பின் மீது வேன் மோதியது. இதனால் நிலை தடுமாறிய வேன் கவிழ்ந்து விபத்துக்குள்ளானது.

இந்த விபத்தில் காரைக்கால் பார்வதி ஈஸ்வரன் நகரைச் சார்ந்த முருகபாண்டியன் என்பவர் உயிரிழந்தார். 15க்கும் மேற்பட்டோர் காயங்களுடன் தனியார் மருத்துவமனையில் அனுமதிக்கப்பட்டு சிகிச்சை பெற்று வருகின்றனர். இவ்விபத்து குறித்து வெள்ளியணை காவல் துறையினர் விசாரணை மேற்கொண்டுவருகின்றனர்.

இதையும் படிங்க: அரசுப் பணி வாங்கித் தருவதாகக் கூறி பணமோசடியில் ஈடுபட்ட இருவர் கைது!