செந்தில் பாலாஜிக்கு ஆதரவாகப் பெண் தீக்குளிக்க முயற்சி - கரூரில் பரபரப்பு

கரூர்: முன்னாள் அமைச்சர் செந்தில் பாலாஜியின் அலுவலகம் முன்பு பெண் ஒருவர் தீக்குளிக்க முயன்றதால் பரபரப்பு ஏற்பட்டுள்ளது.

முன்னாள் அமைச்சர் செந்தில் பாலாஜி அரசுப் போக்குவரத்துக் கழகத்தில் வேலை வாங்கித் தருவதாகக் கூறி 16 பேரிடம் ரூ.95 லட்சம் பெற்று மோசடி செய்ததாகப் புகார் எழுந்த நிலையில், சென்னையில் இருந்து வந்து குற்றப்பிரிவு சிறப்பு காவல் துறையினர் அவரது வீடு, கடைகளில் சோதனை மேற்கொண்டு வருகின்றனர்.

இந்நிலையில், கரூர் பேருந்து நிலையம் அருகேயுள்ள ராமகிருஷ்ணாபுரம் பகுதியில் செந்தில் பாலாஜியின் டெக்ஸ்டைல்ஸ் அலுவலகம் உள்ளது. அங்கு, விசாரணை மேற்கொள்வதற்காக சென்னை காவல் துறையினர் வந்தபோது, திமுக நிர்வாகிகள், செந்தில் பாலாஜி ஆதரவாளர்கள் போராட்டத்தில் ஈடுபட்டனர்.

இதனைத் தொடர்ந்து, காவல் துறையினரை எதிர்த்து பெண் ஒருவர் தீக்குளிக்க முயற்சி செய்தார். அந்தப் பெண்ணை அப்பகுதியில் இருந்த திமுக நிர்வாகிகள், உறுப்பினர்கள் தண்ணீர் ஊற்றிக் காப்பாற்றினர். இதனால் அப்பகுதியில் பரபரப்பு ஏற்பட்டது.

இதையும் படிங்க:எம்எல்ஏ செந்தில் பாலாஜி வீடு, கடைகளில் போலீசார் திடீர் சோதனை