எனக்கு 45 கல்லூரிகள் உள்ளதா..? தம்பிதுரை பதில்

கரூர்: எனக்கு 45 கல்லூரிகள் இருப்பதை ஸ்டாலின் நிரூபித்தால் அரசியலில் இருந்து விலகி கொள்கிறேன் என்று கரூர் தொகுதி அதிமுக வேட்பாளர் தம்பிதுரை தெரிவித்துள்ளார்.

கரூர் தொகுதி அதிமுக வேட்பாளர் தம்பிதுரை விராலிமலை பகுதியில் இன்று வாக்கு சேகரித்தனர்.

அப்போது தம்பிதுரை கூறியதாவது,

'எனக்கு 45 கல்லூரிகள் இருப்பதாக ஸ்டாலின் கூறி வருகிறார். அதனை அவர் நிரூபித்தால் அரசியலில் இருந்து விலக தயார். நிரூபிக்காவிட்டால் ஸ்டாலின் விலக தயாரா?

பொய் தகவல்களை அளிக்கும் ஸ்டாலின் மீது வழக்கு தொடருவேன்.

திமுக தலைவர் ஸ்டாலின், கரூர் தொகுதி காங்கிரஸ் வேட்பாளர் ஜோதிமணி மற்றும் முன்னாள் அமைச்சர் செந்தில் பாலாஜி ஆகியோர் என் மீது பொய்யான குற்றச்சாட்டுக்களை கூறி வருகின்றனர். அதனை மக்கள் ஏற்றுக்கொள்ள மாட்டார்கள்' என்றார்.