கரூர் மாவட்டம் அரவக்குறிச்சி வட்டத்திற்கு உட்பட்ட மலைக்கோவிலூர் பகுதியில் தனியார் பெட்ரோல் நிரப்பும் நிலையத்தில், ஜனவரி 15 திருவள்ளுவர் தினத்தில் இருந்து ஏப்ரல் 31ஆம் தேதி வரை 20 திருக்குறள் கூறும் மாணவர்களின் பெற்றோர் வாகனத்திற்கு ஒரு லிட்டர் பெட்ரோல் இலவசம் என்று அறிவிக்கப்பட்டிருந்தது.
இந்த செய்தி காட்டுத்தீ போல் பரவியதால் கரூர் மாவட்டத்தில் உள்ள மாணவர்கள், தமிழ் மீதும், திருக்குறள் மீதும் பற்று உள்ளவர்கள் 20 திருக்குறளை ஒப்புவித்து ஒரு லிட்டர் பெட்ரோலை இலவசமாக பெற்றுக் கொண்டு செல்கின்றனர்.
திருக்குறள் ஒப்புவித்தால் ஒரு லிட்டர் பெட்ரோல் இலவசம்
இதுகுறித்து பெட்ரோல் நிரப்பும் நிலையத்தின் உரிமையாளர் செங்குட்டுவன் கூறியதாவது, தமிழ்நாடு மாணவர்களுக்கு தொடர்ந்து தமிழ்மொழி மீதான ஆர்வத்தை வளர்பதற்காகவும் குறைவாக உள்ள வாசிப்பு திறனை ஊக்குவிப்பதற்காகவும் இத்திட்டம் அறிமுகப்படுத்தப்பட்டுள்ளது.