கரூர் மாவட்டம் ரயில் நிலையம் அருகில் காமராஜ் காய்கறி சந்தை உள்ளது. இந்தச் சந்தையில் நகராட்சிக்குச் சொந்தமான 70க்கும் மேற்பட்ட கடைகள் இயங்கிவந்தன. சில மாதங்களுக்கு முன்பு நகராட்சி வாடகை தொகையை உயர்த்தியதால், அதை எதிர்த்து 52 கடைகளைச் சேர்ந்த வியாபாரிகள் நீதிமன்றத்தில் வழக்கு தொடுத்தனர். தற்போது அந்த வழக்கு நிலுவையில் இருந்துவருகிறது.
இதையடுத்து வழக்கு தொடுத்த வியாபாரிகளிடம் வசூலிப்பதற்காக நகராட்சி வரிவசூல் அலுவலர் திருமால் செல்வம் தலைமையிலான குழு சந்தைக்கு வந்தது. இதைத்தொடர்ந்து சந்தையில் கடந்த 30 ஆண்டுகளாகக் கோழிக்கடை வைத்திருக்கும் முருகேசன் என்பவரின் கடையை நகராட்சி நிர்வாகம் பூட்டி சீல் வைத்தது.
வாடகை செலுத்தாத கடைகளுக்கு சீல்