பள்ளி மாணவ, மாணவிகளுக்கான மாதாந்திர விளையாட்டு போட்டி!

கரூர்: தமிழ்நாடு விளையாட்டு மேம்பாட்டு ஆணையம் சார்பில் பள்ளி கல்லூரி மாணவர்களுக்கு தடகளம், கைப்பந்து, கபடி ஆகிய விளையாட்டு போட்டிகள் நடைபெற்றது.

கரூர் மாவட்ட விளையாட்டு மைதானத்தில் தொடங்கிய போட்டியை மாவட்ட வருவாய் அலுவலர் ராஜேந்திரன் தொடங்கிவைத்தார். இப்போட்டியில் பெண்கள் தடகளப் போட்டி, ஆண்கள் பிரிவு 100 மீட்டர் ஓட்டப்பந்தயம், 800 மீட்டர் ஓட்டப்பந்தயம், 5,000 மீட்டர் ஓட்டப்பந்தயம், நீளம் தாண்டுதல், உயரம் தாண்டுதல், குண்டு எறிதல், கைப்பந்து, கபடி ஆகிய போட்டிகள் நடைபெற்றது.

கரூர் மாவட்ட இளைஞர் நல மேம்பாட்டு அலுவலர் ராஜேந்திரனும், போட்டி நடுவர்கள் உள்ளிட்ட பலர் கலந்துகொண்டு விளையாட்டு போட்டியைச் சிறப்பித்தனர்.