கரூர் அரசு மருத்துவக் கல்லூரி மருத்துவமனையில் கரூர், திண்டுக்கல், நாமக்கல் மாவட்டங்களைச் சேர்ந்த கரோனா வைரஸால் பாதிக்கப்பட்ட நபர்கள் அனுமதிக்கப்பட்டு சிகிச்சைப் பெற்று வருகின்றனர்.
தற்பொழுது வரை, கரூர் மாவட்டத்தில் 12 நபர்கள் தொற்று அறிகுறியுடன் சிகிச்சைப் பெற்று வருகின்றனர். இந்நிலையில், கரூர் அரசு மருத்துவமனை மற்றும் மருத்துவக் கல்லூரியில் கரோனா வைரஸ் மருத்துவ தடுப்புப் பணியில் ஈடுபட்டிருந்த கரூர் மாவட்டம், தாந்தோணிமலையைச் சேர்ந்த செவிலியர் ஒருவருக்கு, கரோனா வைரஸ் தொற்று இருப்பது உறுதி செய்யப்பட்டுள்ளது.