பால் வேனிலிருந்த 80 ஆயிரம் ரூபாய் திருட்டு

கரூர்: மாயனூரில் பால் வேனிலிருந்த 80 ஆயிரம் ரூபாயை திருடிச் சென்ற நபர்களை காவல் துறையினர் வழக்குப்பதிவு செய்து தேடிவருகின்றனர்.

கரூர் மாவட்டம் கிருஷ்ணராயபுரத்தை அடுத்த கருப்பூர் கிராமத்தைச் சேர்ந்தவர் சதீஸ்குமார் (27). இவர் வீரராக்கியத்தில் உள்ள தனியார் (VKA) பால் நிறுவனத்தில் ஓட்டுநராகப் பணியாற்றிவருகிறார். நேற்று வழக்கம்போல் நிறுவனத்திற்குச் சொந்தமான வேனில் பால் பாக்கெட்டுகளை ஏற்றிக்கொண்டு வீரராக்கியம் முதல் நங்கவரம் வரை உள்ள கடைகளில் பால் பாக்கெட்டுகளை போட்டுவிட்டு, மாயனூரில் உள்ள பெட்ரோல் சேமிப்பு நிலையத்தில் வாகனத்தை நிறுத்தியுள்ளார்.

அப்போது அவருக்குப் பின்னால் இருசக்கர வாகனத்தில் வந்த இரண்டு நபர்கள் பால் வேனிலிருந்த 80 ஆயிரம் ரூபாயை திருடிச் சென்றனர். பின்னர் பணம் திருடுபோனதையறிந்த சதீஸ்குமார் மாயனூர் காவல் நிலையத்தில் புகாரளித்தார். அதனடிப்படையில் காவல் துறையினர் வழக்குப்பதிவு செய்து விசாரணை மேற்கொண்டுவருகின்றனர்.

இதையும் படிங்க: மணப்பாறையில் வீட்டின் பூட்டு உடைக்கப்படாமல் 10 சவரன் நகை கொள்ளை!