தூய்மைப் பணியாளர்களுக்கு பாத பூஜை

கரூர்: கரோனா வைரஸ் தொற்று பரவி வரும் இந்த நேரத்தில் மிகுந்த அர்ப்பணிப்போடு பணியாற்றி வரும் தூய்மைப் பணியாளர்கள் 105 பேர்களுக்கு இந்தியன் ஓவர்சீஸ் வங்கியில் ஐந்து லட்சம் ரூபாய்க்கான இலவச காப்பீடு வழங்கி அவர்களுக்கு பாத பூஜை செய்யும் நிகழ்ச்சி நடைபெற்றது.

கரூர் மாவட்டம் வேலாயுதம்பாளையம் செம்படாபாளையத்தில் தொழிலதிபர் தோகைமுருகன் என்பவர் குடும்பத்துடன் தூய்மைப் பணியாளர்கள் பணியை பாராட்டி அவர்களுக்கு பாத பூஜை செய்து, மலர் தூவி, தீபாராதனை எடுத்து வணங்கி மரியாதை செலுத்தும் நிகழ்வு நடைபெற்றது.

மேலும், இவர்களின் எதிர்காலத்தைக் கருத்தில் கொண்டு 105 தூய்மைப் பணியாளர்களுக்கு தலா ரூ.5 லட்சத்திற்கு இந்தியன் ஓவர்சீஸ் வங்கியில் காப்பீடு செய்யப்பட்டது. மேலும் அவர்களது குடும்பத்திற்கு தற்போது தேவைப்படும் அத்தியாவசிய அரிசி, மளிகை பொருட்கள், காய்கறிகள் வழங்கப்பட்டன.