பாஜகவில் இணைகிறார் முன்னாள் ஐபிஎஸ் அண்ணாமலை!

கர்நாடக காவல் துறையில் பணிபுரிந்த முன்னாள் ஐபிஎஸ் அலுவலர் அண்ணாமலை, இன்று (ஆகஸ்ட் 25) பாரதிய ஜனதா கட்சியில் சேர இருப்பதாகத் தகவல் வெளியாகியுள்ளது.

தமிழ்நாட்டின் கரூர் மாவட்டத்தைப் பூர்வீகமாகக் கொண்டவர், அண்ணாமலை. இவர் கடந்தாண்டு தனது ஐபிஎஸ் பொறுப்பில் இருந்து விருப்ப ஓய்வு பெற்றுக்கொண்ட பின், பாஜகவின் சித்தாந்தங்களைப் பிரதிபலிக்கும் 'நாங்கள் தலைவர்கள்' (We the Leaders) என்னும் தொண்டு நிறுவனத்தைத் தொடங்கி மக்களிடம் மாற்றம் குறித்து பேசி வருகிறார்.

முன்னதாக இவர் விருப்ப ஓய்வு பெறும்போது பெங்களூரு மாநகரின் காவல் துறை துணைக் கண்காணிப்பாளராகப் பணியாற்றினார் என்பது குறிப்பிடத்தக்கது. அண்ணாமலை இன்று (ஆகஸ்ட் 25) காலை 11 மணியளவில், டெல்லியில் உள்ள பாஜக மூத்தத் தலைவர்களைச் சந்தித்து, அக்கட்சியில் இணையவுள்ளதாக நம்பத்தகுந்த வட்டாரங்களில் இருந்து தகவல் வெளியாகியுள்ளது.