கரூர் மாவட்டம், வேலாயுதம்பாளையம் செல்லப்ப கவுண்டர் தெருவைச் சேர்ந்த சலவைத் தொழிலாளி கார்த்திக். இவரது மனைவி விஜயலட்சுமி. இவர்களுக்கு மிதுன் என்ற மகனும் ஒரு மகளும் உள்ளனர். இவர்கள் குடும்பத்துடன் காவிரி ஆற்றிற்கு துணி துவைக்கச் சென்றுள்ளனர். அப்போது அங்கிருந்து சிலர் கார்த்திக்கிடம் பேச்சுக் கொடுத்துள்ளனர்.
அதனைத் தொடர்ந்து கார்த்திக்கை தனியே அழைத்துச் சென்று மது வாங்கி கொடுத்தனர். பின்னர் சிறிது நேரத்தில், காவிரி ஆறு அருகே வந்த அடையாளம் தெரியாத அந்த கும்பல், கார்த்திக் போதையில் மதுபானக் கடையில் கிடப்பதாகக் கூறி, அவரது இரண்டு வயது மகன் மிதுனை அழைத்துச் சென்றுள்ளனர்.
பின்னர் நீண்ட நேரமாகியும் அவர்கள் இருவரும் வீடு திரும்பாததால், அதிர்ச்சியடைந்த விஜயலட்சுமி இது தொடர்பாக வேலாயுதம் பாளையம் காவல் நிலையத்தில் புகார் கொடுத்துள்ளார்.
தந்தைக்கு மது வாங்கிக் கொடுத்து கடத்தப்பட்ட குழந்தை மீட்பு!