குமரி மாவட்டத்தில் மிகவும் பிரபலமான மலர் சந்தையாக தோவாளை மலர் சந்தை செயல்பட்டு வருகிறது. இங்கிருந்து தமிழகத்தின் பல்வேறு மாவட்டங்களுக்கும், கேரளா உள்ளிட்ட வெளி மாநிலங்களுக்கும் பூக்கள் ஏற்றுமதி செய்யப்படுகிறது.
இந்நிலையில் குமரி மாவட்டத்தில் கடந்த சில நாட்களாக தொடர்ந்து மழை பெய்து வருவதால் பூக்களின் உற்பத்தி பாதிக்கப்பட்டுள்ளது. இதனால் சந்தைக்கு பூக்களின் வரத்து மிகவும் குறைந்துள்ளது. இதன் விளைவாக பூக்களின் விலை கடுமையாக உயர்ந்துள்ளது.