கன்னியாகுமரி மாவட்டம் தக்கலை அருகே மூலச்சல் பகுதியைச் சேர்ந்த பிரிட்டோ என்பவர், சொந்தமாக மேக்சி கேப் வாகனம் வைத்து வாடகைக்கு ஓட்டிவருகிறார். சில நாட்களுக்கு முன்பு அவர் தனது மேக்சி கேப் வாகனத்தில் குத்து பாட்டை இசைக்கவிட்டு ஸ்டீரிங்கை காலால் சுழற்றி சாகச பயணம் மேற்கொண்டார்.
இது தொடர்பான வீடியோவை அவரது நண்பர் சமூக வலைதளங்களில் பதிவிட்டார். இந்த வீடியோ தற்போது சமூக வலைதளங்களில் வைரலாகியுள்ளது. இதைத்தொடர்ந்து போக்குவரத்துவ விதிமுறைகளை மீறி போக்குவரத்து நெரிசலான தக்கலை அழகியமண்டபம் தேசிய நெடுஞ்சாலையில் ஆபத்தை உணராமல் நண்பர்களுடன் சாகச பயணத்தில் ஈடுபட்ட பிரிட்டோ மீது தக்கலை காவல்துறையினர் நடவடிக்கை எடுக்கவேண்டும் என சமூக ஆர்வலர்கள் கோரிக்கை விடுத்துள்ளனர்.
இதையும் படிங்க:கன்னியாகுமரி தொகுதி எம்.பி வசந்தகுமார் கவலைக்கிடம்!
