கன்னியாகுமரி மாவட்டம் நாகர்கோவிலில் தமிழ்நாடு வருவாய் கிராம ஊழியர் சங்க மாவட்ட மாநாடு நடைபெற்றது. இதில் மாநில, மாவட்ட நிர்வாகிகள் பலர் கலந்து கொண்டனர். விரைவில் மாநில அளவிலான மாநாடு நடத்தப்படும் என்றும் மாநாட்டில் தெரிவித்தனர்.
தமிழ்நாடு வருவாய் கிராம ஊழியர் சங்க மாவட்ட மாநாடு
இக்கூட்டத்தில், தமிழ்நாடு வருவாய் கிராம ஊழியர்களுக்கு முன்னாள் முதலமைச்சர் ஜெயலலிதா வழங்கிய சலுகைகள் தற்போது உள்ள அரசால் மறுக்கபடுவதாகவும், அதனால் உரிய சலுகைகள் வழங்க வேண்டும் என்றும், வரையறுக்கபட்ட காலமுறை ஊதியம் வழங்க வேண்டும், பணியிலிருந்து ஓய்வு பெற்றவர்களுக்கும் உரிய பலன்கள் வழங்க வேண்டும் என்பது உள்ளிட்ட பல்வேறு தீர்மானங்கள் நிறைவேற்றப்பட்டன.