ஜெயலலிதா பிறந்தநாள்: அதிமுக சார்பில் சிறப்பு மருத்துவ முகாம்!

கன்னியாகுமரி: முன்னாள் முதலமைச்சர் ஜெயலலிதாவின் 72ஆவது பிறந்தநாளை முன்னிட்டி நேற்று தென்தாமரைகுளத்தில் அதிமுக சார்பில் சிறப்பு மருத்துவ முகாம் நடைபெற்றது.

தமிழ்நாட்டின் முன்னாள் முதலமைச்சர் ஜெயலலிதாவின் 72ஆவது பிறந்தநாள் விழாவானது தமிழ்நாடு முழுவதும் வெகு விமரிசையாக நேற்று கொண்டாடப்பட்டது. அதிமுகவினர் சார்பில் பல்வேறு நலத்திட்ட உதவிகள் வழங்கப்பட்டன.

அதன் ஒரு பகுதியாக, கன்னியாகுமரியில் தென்தாமரைகுளம் பேரூர் பகுதியில் அதிமுக சார்பில் மருத்துவ காப்பீடு திட்டத்தின் கீழ் மனுவேல் எலும்பு முறிவு மருத்துவமனை குழுவுடன் இணைந்து இலவச பொது மருத்துவ முகாம் நடைபெற்றது.

இம்முகாமிற்கு தென்தாமரைகுளம் பேரூர் கழக செயலாளர் தாமரை தினேஷ் தலைமை வகித்தார். இம்முகாமில் அனைத்து விதமான நோய்களுக்கும் சிகிச்சை அளிக்கப்பட்டது. முகாமில் அதிமுக நிர்வாகிகள், உறுப்பினர்கள் மற்றும் ஏராளமான பொதுமக்கள் கலந்துகொண்டு சிகிச்சை பெற்று பயன்பெற்றனர்.

இதையும் படிங்க:பருப்பு, பாமாயில் விநியோகம் மேலும் ஒரு ஆண்டிற்கு நீட்டிப்பு