ஆள் இல்லாத விமானம் செயல்பாடு குறித்து விழிப்புணர்வு முகாம்

கன்னியாகுமரி:  குலசேகரம் அருகே தனியார் மேல்நிலைப் பள்ளியில் ஆள் இல்லாத விமானம் பறக்கும் விதம், ஏவுகணை, ரோபோ ஆகியவைகளின் செயல்பாடுகள் குறித்த விழிப்புணர்வு முகாம் நடைபெற்றது.

கோவை நேரு கல்வி குழுமம், ஏ. பி.ஜே. அப்துல் கலாம் விஷன் அமைப்பு சார்பில் தமிழ்நாடு முழுவதும் உள்ள பள்ளிகளில் மாணவ-மாணவிகளுக்கு அறிவியல் செயல்திறன் விழிப்புணர்வு முகாம் நடத்தப்பட்டுவருகிறது. இதன் ஒருபகுதியாக கன்னியாகுமரி குலசேகரம் பகுதியிலுள்ள தனியார் மேல்நிலைப் பள்ளியில் அறிவியல் செயல்திறன் குறித்து விழிப்புணர்வு முகாம் நடைபெற்றது.

அதில், ஆள் இல்லாத சிறு விமானம், ஹெலிகாப்டர் பறக்கும் விதம், ஏவுகணை-ரோபோக்களின் செயல்பாடுகள் குறித்த செயல்விளக்கம் அளிக்கப்பட்டது.

இந்நிகழ்ச்சியின் நினைவுப் பரிசாக அக்கினி சிறகுகள் புத்தகம் வழங்கப்பட்டது. இதில் ஏராளமான மாணவ மாணவிகள் கலந்துகொண்டனர்.