கன்னியாகுமரியில் வடமாநில விவசாயிகள் 50க்கும் மேற்பட்டோர் கைது

டெல்லியில் போராடும் விவசாயிகளுக்கு ஆதரவாக கன்னியாகுமரியில் இருந்து டெல்லி வரை மதிவண்டிப் பேரணி நடத்த முயன்ற 50க்கும் மேற்பட்ட வடமாநில விவசாயிகளை காவல் துறையினர் கைது செய்தனர்.

கன்னியாகுமரி:மத்திய அரசின் புதிய வேளாண் சட்டங்களைத் திரும்பப் பெறக் கோரி பஞ்சாப் உள்ளிட்ட மாநிலங்களைச் சேர்ந்த விவசாயிகள் டெல்லியில் தொடர் போராட்டத்தில் ஈடுபட்டு வருகின்றனர்.

அவர்களுக்கு ஆதரவு தெரிவித்து இந்தியாவின் தென்கோடி எல்லையான கன்னியாகுமரியில் இருந்து டெல்லி வரை மிதிவண்டிப் பேரணி நடத்த வடமாநில விவசாயிகள் திட்டமிட்டனர். ஆனால், இந்த மிதிவண்டிப் பேரணிக்கு காவல் துறையினர் அனுமதி வழங்கவில்லை.

இருப்பினும், தடையை மீறி மிதிவண்டிப் பேரணி நடத்த முயன்ற 50க்கும் மேற்பட்ட வடமாநில விவசாயிகளை காவல் துறையினர் கைது செய்தனர்.

இதையும் படிங்க:100% வாக்குப்பதிவை வலியுறுத்தி விருதுநகரில் பெண்கள் வாகனப் பேரணி!