குமரி மாவட்டம், மயிலாடியை அடுத்த பெருமாள்புரம் பகுதியில் தெய்வேந்திரன் மலை உள்ளது. இந்த மலையின் சுற்றுப்பாதையை பொதுமக்கள் கிரிவலம் செல்லும் பாதையாகப் பயன்படுத்தி வருகின்றனர்.
இந்நிலையில் இன்று நண்பகல் 12 மணியளவில் இந்த மலையில் திடீரென தீப்பிடித்து எரியத் தொடங்கியது. இந்த காட்டுத் தீயானது வெயிலின் தாக்கம் அதிகமாக இருந்ததாலும், காற்றின் வேகம் அதிகமாக இருந்ததாலும் மலை முழுவதும் தீ வேகமாகப் பரவியது.
இதனால் அப்பகுதி முழுவதும் புகை மூட்டம் ஏற்பட்டது. இதைப் பார்த்த அப்பகுதி மக்கள் தீயணைப்புத் துறையினருக்குத் தகவல் தெரிவித்தனர். இதனைத் தொடர்ந்து விரைந்து வந்த தீயணைப்புத் துறையினர், தீயை அணைக்கும் பணியில் ஈடுபட்டு வருகின்றனர்.