புதுச்சேரி மாநிலத்தைச் சேர்ந்தவர் ஆனந்தம் (45). மனநலம் பாதிக்கப்பட்ட இவர் கடந்த இரண்டு ஆண்டுகளாக மாவட்ட காவல் கண்காணிப்பாளர் அலுவலகம் அருகே சுற்றித் திரிந்தார்.
கரோனா ஊரடங்கின்போது தன்னார்வலர் தினேஷ் என்பவர் சாலைகளில் சுற்றித் திரியும் நபர்களுக்கு இலவசமாக உணவுகள் வழங்கி உதவி செய்தார். அப்போது இவருடன் ஆனந்தமும் உடனிருந்தார். அந்தக் காட்சிகள் சமூக வலைதளங்களில் வைரலாகின.
மனநலம் பாதிக்கப்பட்டவர் குடும்பத்துடன் இணைந்தார்
இதனைப் பார்த்த ஆனந்தம் உறவினர்கள் உடனடியாக தினேஷை தொடர்புக் கொண்டு, நாகர்கோவில் வந்தனர். இதனையடுத்து அவரை குளிக்க வைத்து, புது ஆடைகள் வாங்கிக் கொடுத்து சொந்த ஊருக்கு உறவினர்கள் அழைத்துச் சென்றனர்.