கன்னியாகுமரி மாவட்டம் நாகர்கோவில் அடுத்த ஆசாரிபள்ளம் பகுதியைச் சேர்ந்தவர் தினகரன் (33). இவரது மனைவி எஸ்தர் ராணி (26). இருவருக்கும் கடந்த இரண்டு ஆண்டுகளுக்கு முன்பு திருமணம் நடைபெற்றது. தம்பதிக்கு குழந்தை இல்லை.
கணவன், மனைவி இருவரும் நேற்று முன்தினம் பொருள்கள் வாங்க ஆசாரிபள்ளத்தில் இருந்து நாகர்கோவிலுக்கு இருசக்கர வாகனத்தில் வந்தனர். பின்னர் அவர்கள் மீண்டும் ஆசாரிபள்ளம் சென்றபோது ஆட்சியர் அலுவலகம் எதிரில் நிலைதடுமாறி இருவரும் கீழே விழுந்தனர்.
அப்போது அவர்களது பின்னால் வந்த அரசுப் பேருந்து அவர்கள் மீது ஏறியது. இதில் எஸ்தர் ராணி சம்பவ இடத்திலேயே உயிரிழந்தார். தினகரன் படுகாயங்களுடன் ஆசாரிபள்ளம் அரசு மருத்துவமனையில் சிகிச்சை பெற்று வந்தார்.
பெண் உயிரிழந்த நிலையில் கணவரும் உயிரிழப்பு