கன்னியாகுமரி: முக்கடல் சங்கமத்தில் கரையோரம் அமைந்துள்ள புனித ஸ்தலங்களில் ஒன்றான கன்னியாகுமரி அருள்மிகு பகவதி அம்மன் கோவில் வைகாசி விசாக தேர்த்திருவிழா கடந்த 3ஆம் தேதி கொடியேற்றத்துடன் தொடங்கியது. ஒவ்வொரு நாளும் அம்மனுக்கு சிறப்பு பூஜைகள் அம்மன் வீதி உலா வருதல் உள்ளிட்ட பல்வேறு நிகழ்ச்சிகள் நடைபெற்றன. 9 ஆம் நாள் திருவிழாவான இன்று பல்லாக்கில் கொண்டு வரப்பட்டு தேரில் அம்மன் எழுந்தருளி பக்தர்களுக்கு காட்சி அளித்தார். அதனை தொடர்ந்து தேர் திருவிழா நடைபெற்றது.
கன்னியாகுமரி நாடாளுமன்ற உறுப்பினர் விஜய் வசந்த் விழாவில் கலந்து கொண்டு தேரை வடம் பிடித்து இழுத்தார். மேலும் குமரி மாவட்ட மக்கள் மட்டுமின்றி அண்டை மாநிலமான கேரளா மற்றும் பல்வேறு பகுதிகளில் இருந்து வருகை தந்த சுற்றுலா பயணிகள் தேரை வடம் பிடித்து இழுத்தனர்.
வெகு விமரிசையாக நடைபெற்ற பகவதி அம்மன் வைகாசி விசாக தேர் திருவிழா!!