அரசு பேருந்து மலைப்பாதையில் கவிழ்ந்து விபத்து

நாகர்கோவில் இருந்து கோதையாறு சென்ற அரசு பேருந்து மலைப்பாதையில் கவிழ்ந்து விபத்துகுள்ளானதில், நடத்துனர் மற்றும் ஓட்டுனர் அதிர்ஷ்டவசமாக சிறுகாயத்தோடு உயிர் தப்பினர்.

கன்னியாகுமரி: கன்னியாகுமரி மாவட்டம் கோதையாறு மேற்கு தொடர்ச்சி மலையோர பகுதியில் ரப்பர் தோட்ட தொழிலாளர்கள், பவர்ஹவுசில் பணிபுரியும் மின்வாரிய ஊழியர்கள், ஆதிவாசி பழங்குடியின மக்கள் ஆகியோரின் வசதிக்காக நாகர்கோவிலில் இருந்து கோதையாயாறுக்கு அரசு பேருந்து இயக்கப்படுகிறது.

இந்நிலையில், இந்த பேருந்து பவர்ஹவுஸ் அருகே உள்ள இறக்கத்தில் இன்று (ஆக. 16) வந்து கொண்டிருந்தபோது, திடீரென கட்டுபாட்டை இழந்து அருகில் உள்ள பள்ளத்தில் கவிழ்ந்தது. இதில், அந்த பகுதியில் மரம் நின்ற காரணத்தாலும், ஓட்டுநரின் துரித நடவடிக்கையாலும் மலையில் இருந்து சுமார் ஐம்பதடி பள்ளத்தில் கவிழாமல் தப்பித்தது.

அரசு பேருந்து மலைப்பாதையில் கவிழ்ந்து விபத்து

அப்பேருந்தில் ஓட்டுநர் மற்றும் நடத்துநர் மட்டுமே இருந்ததால் பெரும் விபத்து நடக்காமல் தப்பித்தது. நடத்துநர், ஓட்டுநருக்கு சிறு காயம் ஏற்பட்டதுடன் அதிர்டவசமாக உயிர்தப்பினர். விபத்து நடந்த தகவலறிந்து சம்பவ இடத்திற்கு வந்த அலுவலர்கள் கிரேன் மூலம் பேருந்தை மீட்கும் பணியில் ஈடுபட்டு வருகின்றனர்.

இதையும் படிங்க:காஷ்மீரில் வீரர்கள் சென்ற பேருந்து பள்ளத்தாக்கில் கவிழ்ந்தது