கன்னியாகுமரி மாவட்டம் திருவிதாங்கோடு பகுதியில் இயங்கி வரும் அரசு மேல்நிலைப் பள்ளியில் 1996 முதல் 1998ஆம் ஆண்டு வரை மேல்நிலை வகுப்புகளில் பயின்ற மாணவர்கள் சந்திப்பு நிகழ்ச்சி நடைபெற்றது.
ஸ்மார்ட் வகுப்புக்காக 42 இஞ்ச் தொலைக்காட்சியை பரிசளித்த முன்னாள் அரசுப் பள்ளி மாணவர்கள் அப்போது, அப்பள்ளியில் புதிதாக தொடங்கப்படவுள்ள ஸ்மார்ட் வகுப்புக்காக, 42 இஞ்ச் தொலைக்காட்சியை முன்னாள் மாணவர்கள் அன்பளிப்பாக வழங்கினர். தனியார் பள்ளிகளில் உள்ள அடிப்படை வசதிகளை போல், அரசு பள்ளிகளில் பயிலும் மாணவர்கள் பெற்று நன்றாக படிக்க வேண்டும் என்பதற்காக தங்களால் இயன்ற அன்பளிப்பை அளித்ததாகவும், தொடர்ந்து கணினி வழங்குவதற்கான நடவடிக்கையில் ஈடுபட்டுள்ளதாகவும் முன்னாள் மாணவர்கள் தெரிவித்தனர்.
