கன்னியாகுமரியில் சபரிமலை சீசன் தொடங்கியதையடுத்து தினமும் ஆயிரகணக்கான ஐயப்ப பக்தர்கள் மற்றும் சுற்றுலாப் பயணிகள் வருகை தருகின்றனர். கன்னியாகுமரியில் ஏராளமான நிரந்தர கடைகளும் சீசனை முன்னிட்டு 250-க்கும் மேற்பட்ட தற்காலிக கடைகளும் அமைக்கப்பட்டு வியாபாரம் நடைபெற்று வருகிறது
குமரியில் உணவுபாதுகாப்புத்துறையினர் அதிரடி சோதனை
இதனையடுத்து திறந்த வெளியில் அமைந்துள்ள உணவகங்கள், இளநீர் கடைகள், டீ கடைகள், பெட்டிக்கடைகள், ஐஸ்கிரீம் கடைகளில் மாவட்ட உணவு பாதுகாப்புத்துறை அலுவலர் டாக்டர் செந்தில்குமார், வட்டார உணவு பாதுகாப்புதுறை அலுவலர்கள் தங்கசிவம், பிரவீன்ரகு, சங்கரநாராயணன், குமாரபாண்டியன் ஆகியோர் கடற்கரை சாலை, மெயின் ரோடு, சன்னதி தெரு, காந்திமண்டப சாலை ஆகிய இடங்களில் அதிரடி சோதனை நடத்தினர்.