குமரி மாவட்டத்தில் பிரசித்தி பெற்ற கொல்லங்கோடு பத்திரகாளி அம்மன் கோயில் தூக்க நேர்ச்சை திருவிழா கடந்த 30ம் தேதி கொடியேற்றத்துடன் தொடங்கியது. விழாவை முன்னிட்டு தினமும் அம்மனுக்கு சிறப்பு பூஜை அபிஷேகங்கள் நடைபெற்றது. குழந்தை பாக்கியம் வேண்டியும், குழந்தைகள் நோயின்றி வாழ வேண்டி நேர்த்திக் கடன் செலுத்தும் வகையில் 1,691 குழந்தைகள் தூக்க நேர்ச்சைக்கு பதிவு செய்யப்பட்டன.
இந்நிலையில், விழாவின் முக்கிய நிகழ்வான தூக்க நேர்ச்சை இன்று நடைபெற்றது. தூக்க வண்டியில் பொருத்தப்பட்டிருந்த இரு தூக்க கம்பங்களில் இரண்டு பேர் வீதம் ஒரே நேரத்தில் நான்கு குழந்தைகளுக்கு தூக்க நேர்த்திக்கடன் செலுத்தப்பட்டது. குழந்தைகளை நான்கு தூக்கக்காரர்கள் கையில் பற்றியவாறு கோயிலை சுற்றி அந்தரத்தில் வலம் வந்தனர்.