கடத்தல் மணல் எடுப்பதாகக் கூறி இளைஞர் மீது காவலர் தாக்குதல்!

கன்னியாகுமரி: கடத்தல் மணல் எடுப்பதாகக் கூறி இளைஞரை தாக்கிய உதவி ஆய்வாளர் மீது நடவடிக்கை எடுக்கக்கோரி பாதிக்கப்பட்டவரின் உறவினர்கள் மாவட்ட காவல் கண்காணிப்பாளர் அலுவலகத்தில் புகார் மனு அளித்துள்ளனர்.

குமரி மாவட்டம் நாகர்கோவில் கோட்டார் அருகே உள்ள வட்டவிளை பகுதியைச் சேர்ந்தவர் பிரசாத். இவர் உரிய முறையில் பாஸ் பெற்றுக் கொண்டு எம்சாண்ட், ஆற்று மணல் உள்ளிட்டவற்றை விற்பனை செய்துவருகிறார்.

இவரும் இவரது உறவினரான மணிகண்டன் என்பவரும் கடந்த 14ஆம் தேதி ராஜாக்கமங்கலம் பகுதியில் மணல் ஏற்றிக் கொண்டிருந்தனர். அப்போது அங்கு வந்த மணல் கடத்தல் தடுப்பு பிரிவு உதவி ஆய்வாளர் திலீபன் கடத்தல் மணல் எடுப்பதாகக் கூறி அவர்களைத் தாக்கியுள்ளார்.

இதில் படுகாயம் அடைந்த மணிகண்டன் ஆசாரிப்பள்ளம் அரசு மருத்துவமனையில் உள்நோயாளியாக சிகிச்சை பெற்றுவருகிறார். இந்நிலையில், பாதிக்கப்பட்ட மணிகண்டனின் உறவினர்கள் மாவட்ட காவல் கண்காணிப்பாளர் அலுவலகத்தில் புகார் மனு அளித்துள்ளனர்.

இதையும் படிங்க: குடியுரிமை திருத்த சட்டத்தை எதிர்த்து இஸ்லாமிய அமைப்பினர் பிரமாண்ட ஆர்ப்பாட்டம்