கஞ்சா சப்ளை செய்த மூன்று இளைஞர்கள் கைது!

கன்னியாகுமரி: ஆரல்வாய்மொழி அருகே கஞ்சா விற்பனையில் ஈடுபட்ட மூன்று இளைஞர்களைக் காவல் துறையினர் கைதுசெய்து சிறையில் அடைத்தனர்.

கன்னியாகுமரி மாவட்டம் ஆரல்வாய்மொழி காவல் சரகத்திற்குள்பட்ட தோவாளை அண்ணாநகர் பகுதியில் காவல் துறையினர், ரோந்துப் பணியில் ஈடுபட்டிருந்தனர்.

அப்போது, சந்தேகத்திற்கு இடமான முறையில் இருசக்கர வாகனத்தில் சுற்றித்திரிந்த மூன்று இளைஞர்களைப் பிடித்த காவல் துறையினர், அவர்களது உடமைகளைச் சோதனை செய்தனர்.

சோதனையில், அவர்களிடம் ஒன்றரை கிலோ கஞ்சா இருந்தது தெரியவந்தது. இதையடுத்து, அவர்களிடம் நடத்திய விசாரணையில், கஞ்சாவை விற்பனைக்காக எடுத்துவந்ததாகத் தெரிவித்துள்ளனர்.

இதையடுத்து, நாகர்கோயில் பகுதியைச் சேர்ந்த சுந்தர் (19), அருள் (37), ஆரல்வாய்மொழி பகுதியைச் சேர்ந்த செல்வம் (32) ஆகிய மூவரையும் காவல் துறையினர் கைதுசெய்தனர்.

தொடர்ந்து அவர்களிடமிருந்து கஞ்சா, இருசக்கர வாகனம் ஆகியவற்றைப் பறிமுதல்செய்த காவல் துறையினர், மூன்று பேரையும் நீதிமன்றத்தில் ஆஜர்படுத்தி சிறையில் அடைத்தனர்.

இதையும் படிங்க:சட்டவிரோதமாக கஞ்சா விற்பனை: ஒருவர் கைது