ஆட்டோ ஓட்டுநரின் வீட்டில் 7 சவரன் நகைகள், ரூ.35ஆயிரம் ரொக்கம் கொள்ளை!

கன்னியாகுமரி: நாகர்கோவில் அருகே ஆட்டோ டிரைவர் வீட்டின் கதவை உடைத்து ஏழு சவரன் நகைகள், ரூ.35,000 ரொக்கப்பணத்தை அடையாளம் தெரியாத நபர்கள் கொள்ளையடித்துச் சென்றது அப்பகுதியில் பரபரப்பை ஏற்படுத்தியுள்ளது.

கன்னியாகுமரி மாவட்டம், நாகர்கோவில் அருகேயுள்ள ராமலட்சுமி நகரில் வசித்து வருபவர் நடேசன்(31). ஆட்டோ ஓட்டுநரான இவர் கடந்த ஞாயிற்றுக் கிழமை, தனது குடும்பத்துடன் உறவினர் வீட்டிற்குச் சென்றார்.

இந்நிலையில் இன்று வீடு திரும்பிய அவர், வீட்டின் கதவு உடைக்கப்பட்டிருப்பதைப் பார்த்து அதிர்ச்சியடைந்தார். பின்னர் உள்ளேச் சென்று பார்த்தபோது பீரோவில் வைத்திருந்த ஏழு சவரன் தங்க நகைகள், ரூ.35,000 ரொக்கப்பணம் கொள்ளையடிக்கப்பட்டிருப்பது தெரியவந்தது.

இதனையடுத்து அவர் காவல்துறைக்குத் தகவல் தெரிவித்தார். மேலும் காவல்துறையினர் வழக்குப் பதிவு செய்து கொள்ளையர்களை தீவிரமாகத் தேடி வருகின்றனர்.

இதையும் படிங்க: