1 மாதத்தில் 12 பேர் மீது பாய்ந்த குண்டர் சட்டம்: குமரி மாவட்ட எஸ்.பி. அதிரடி!

குமரி மாவட்ட எஸ்.பி. பத்ரிநாராயணனின் அதிரடி நடவடிக்கையால் கடந்த ஒரு மாத காலத்திற்குள் குண்டர் சட்டத்தில் 12 குற்றவாளிகள் கைதுசெய்யப்பட்டனர்.

கன்னியாகுமரி: குமரி மாவட்ட காவல் கண்காணிப்பாளர் பத்ரி நாராயணன் பதவி ஏற்ற நாள் முதல் குற்றவாளிகளைக் களையெடுப்பதில் தனிக்கவனம் செலுத்திவருகிறார். குறிப்பாக, பெண்களுக்கு எதிராக நடைபெறும் குற்றச் செயலில் ஈடுபடுபவர்கள் மீது துரித நடவடிக்கை எடுத்துவருகிறார்.

இதன் ஒரு பகுதியாக கடந்த ஒரு மாதத்திற்குள் தொடர்ச்சியாக குற்றச் செயல்களில் ஈடுபட்டவர்கள், பெண்கள், குழந்தைகளிடம் தவறாக நடந்தவர்கள் என 12 பேரை அதிரடியாக குண்டர் சட்டத்தில் கைதுசெய்து சிறையில் அடைத்துள்ளார்.

இவரின் அதிரடி நடவடிக்கை குற்றவாளிகள் மத்தியில் கலக்கத்தையும், பொதுமக்கள் மத்தியில் மகிழ்ச்சியையும் ஏற்படுத்தியுள்ளது.

இதையும் படிங்க:இளைஞரை வெட்டிக் கொன்ற வழக்கில் நால்வருக்கு ஆயுள் தண்டனை!