உதயநிதி நற்பணி மன்றம் சார்பாக நலத்திட்ட உதவிகள்

காஞ்சிபுரம்: மாமல்லபுரத்தை அடுத்த பூஞ்சேரியில் திமுகவின் முக்கிய பொறுப்பாளர்களுக்கு நன்றி தெரிவிக்கும் விதமாக இன்று உதயநிதி ஸ்டாலின் நற்பணி மன்றம் சார்பாக நலத்திட்ட உதவிகள் வழங்கும் விழா நடைபெற்றது.

காஞ்சிபுரம் மாவட்டம் மாமல்லபுரத்தை அடுத்த பூஞ்சேரியில் திமுக இளைஞரணி மாநில செயலாளராக புதிதாக பொறுப்பேற்றிருக்கும் உதயநிதி ஸ்டாலினுக்கு பாராட்டு தெரிவித்தும், மு.க ஸ்டாலின், முக்கிய கட்சிப் பொறுப்பாளர்களுக்கு நன்றி தெரிவிக்கும் விதமாகவும் இன்று பொது மக்களுக்கு உதயநிதி ஸ்டாலின் நற்பணி மன்றம் சார்பாக நலத்திட்ட உதவிகள் வழங்கும் விழா நடைபெற்றது.

இதில் ஆயிரம் தென்னை மரக்கன்றுகள், ஆயிரம் பேருக்கு மதிய உணவு, 300 மாணவ மாணவிகளுக்கு பாடப் புத்தகங்கள், மக்களுக்கு வேட்டி சேலைகள் போன்ற நலத்திட்டங்கள் வழங்கப்பட்டன. இதனையடுத்து நற்பணி மன்ற மாவட்ட செயலாளர் யுவராஜ் செய்தியாளர்களிடம் பேசுகையில்,

”இதுபோன்ற நலத்திட்ட உதவிகள் வழங்கும் விழா அதிகளவில் நடைபெறும். உதயநிதி ஸ்டாலின் கட்சிப் பொறுப்பில் மென்மேலும் வளர வேண்டும். அதற்கான வாழ்த்துகளை தெரிவிக்கும் வண்ணமாக இந்நிகழ்வு அமைந்திருக்கிறது” என்றார்.

இந்நிகழ்ச்சியில், உதயநிதி ஸ்டாலின் நற்பணி மன்ற திருக்கழுக்குன்றம் ஒன்றிய செயலாளர் எம்.பி மோகன், மாவட்ட செயலாளர் ராஜா, கட்சித் தொண்டர்கள் உள்ளிட்ட ஏராளமானோர் கலந்துகொண்டனர்.